Dharma Gita Sarahina

DHARMA GITA “SEKAR MADYA”

A.    Kidung Brahmara Ngisep Sari

1.      Om Om sembah I katunan, Dumadak juwa kaaksi, Munggwing pangubhaktin titiang, Nista solah lawan wuwus, Miwah banget hina budhi.

2.      Mogi tan kacakra bawa, Titiang I katunan sami, Nista kaya wak lan manah, Langgeng ngulami Hyang Widhi, Sang Suksma Maha Acintya, Nirbhana Siwa kasengguh, Singidan ring tampak aksi.

B.     Kidung Kawitan Wargasari

1.      Purwakaning angripta rum, Ning wana ukir, Kahadang labuh Kartika panedenging sari, Angayon tangguli ketur, Angringring jangga muré.

2.      Sukanya arja winangun, Winarna sari, Rumruming puspa, Priyaka ingoling tangi, Sampuning riris sumaru, Munggwing srengganing rejeng.

C.    Kidung Wargasari

1.      Ida ratu sakeng luhur, Kahula nunas lugrane, Mangda sampun tityang tandruh, Mengayat bhatara mangkin, Tityang ngaturang pejati, Canang suci mwang daksina, Sami sampun puput, Pretingkahing saji.

2.      Asep menyan majagau, Cenana nuur dewane, Mangda ida gelis turun, Mijil saking luhuring langit, Sampun medabdaban sami, Maring giri meru reko, Ancangan sadulur, Sami pada ngiring.

D.    Kidung Wargasari Rikala Nunas Tirtha

1.      Turun tirtha sakeng luhur, Tirtha panca dewatane, Wisnu tirtha kamandalu, Hyang iswara sanjiwani, Mahadewa kundalini, Hyang Brahma tirtha pawitra, Hyang siwa pamumut, Amertha kinardi.	2.      Turun tirtha sakeng luhur, Pemangkune ne nyiratang, Mangelencok muncrat mumbul, Mapan tirtha mertha jati, Paican bhatara sami, Panglukatan dasa mala, Sami pada lebur, Malane ring bumi.
Puh Adri 3.      Tirta utama luir sandi nerus, Siratin damuhe, Sane sandi mapasupati, Panyapsapan lara agung, Saluiring lara kasapuh, Moksah ilang gelis punah, Ala ilang leteh dudus, Mundur ka gumi kahyangan, Tibenin tirta utama.

E.     Wirama Nyangkepin Nunas Tirtha

1.      Stutinira tān tulūs Sinahurān paramārta Çiwa,
Anaku huwūs katōn Abimantānta temūnta kabeh,
Hana panganūgrahāngku Çadhu sākti winĩmba sara,
Pasupati sāstra kāstu Pangarānnya nihān wulati.

Pangastawan Ida Sang Arjuna durung mawasta puput, kacawis olih Ida Bhatara Siwa.
Cening pianak bapa, suba sinah panggih bapa idewa asing-asing saratang I dewa panguh dewa makejang.
Ne ada paican bapa Cadusakti marupa sanjata.
Panah pasupati kalumrah wastannyane cening, durus cingakin dewa”.

2.      Wuwus sira Sānghyang Ĩçwara mijĩl tang apūy ritangan,
Wawang asarĩra katāra mangĩnditakēn warayang,
Tinarima Sāng Danān Jaya tikāng sara sūksma tika,
Nganala sarĩra sātmaka lawān warayāng wekasan. 

Sapunika wacanan Ida Sang Hyang Siwa, raris medal geni saking tangan Idane.
Digelis geni punika marupa raksasa punika sarwi natad panah.
Katrima antuk Ida Sang Arjuna panahe punika, raris ical makadi suksma.
Sane marupa geni dwaning pamuput dados asiki ring panahe.

3.      Kretawara Sāng Danān Jaya manembāh hatĩ pranata,
Pinisalinān larās makuta tan hanā kalah hālah,
Winara warāh sirēng aji danūr dara sāstra kabeh,
Kreta semayāng prayōga dadi sūksme Bhatāra Çiwa.

Sasampun Ida Sang Arjuna polih wara nugraha, raris ngabakti dahat prenamya.
Kagentosin gandewa miwah tutup gelung, tan wenten kirang.
Kawarahin Ida jeroning kawruh mapapanahan, sarwa sanjata maka sami.
Puputing panumaya jeroning migunayang, mawastu musna Ida Bhatara Siwa.

4.      Sahasura sĩddha çārana parēng kesana sūnia mwah,
Rasa tanirāt hidēp nrepati putrā katōnanira,
Kadi masalĩn sarirā suka tan pabalĩk prihati,
Satiru tirūn kretārta sira denĩ kadhira nira.

Saha Dewa Resi, juru kidung taler ngiring, pramangkin suwung malih.
Sakadi tan ring jagate pakayunan Ida Sang Arjuna pakantenannya.
Waluya magentos raga, sukane tan mabalik duhkita.
Patut anggen pratiwimba Ida Sang Siddhaning tatujon, malantaran antuk kapagehan Idane.

5.      Hanamara jānma tān pamihutang brata yōga tapa,
Angentul amĩnta wĩrya sukanĩng Widhĩ saha sika,
Binalikakēn purĩh nika lwĩh tinemūnia lara,
Sinakitanĩng rajāh tamahinān dehāning prihati.

Wenten punika jadma nenten nahenin madana punia, nenten nahenin ngelarang brata, yoga miwah tapa.
Mamongah nunas kawiryan miwah kasukan ring Ida Sang Hyang Widhi, kadi mamaksa ipun.
Kabalikang tatujon ipune, sangsarane maha bara panggihin ipun.
Kasakitin olih irajah tamah, kateteh antuk sakit hati.