I LUTUNG TEKEN I KEKUA

 I LUTUNG TEKEN I KEKUA

Ada katuturan satua I Lutung teken I Kekua. Sedek I Lutung masayuban di beten punyan kayune saget dingeha munyin I Kekua manyesel iba kene munyinne “beh kene lacure masan ujan keweh pesan ngalih amah yen mekelo kene tusing buungan lakar mati awake … lakar mati “mara ningeh munyin keto I Lutung maekin tongos ento saget tepuka I Kekua berag mirib kuangan ngamah lantas ya ngomong I Lutung “beh Kekua suud monto menyesel ibane awake nepukin tongos melah ngalih amah-amahan ditu di dauh Tukad Cengcenge ada pondok. Pondok  ento gelah I Kaki Prondong ditu ada biu. Abulan suba awake liwat biu ento nu wayah-wayah mirib jani suba nasak.”

Mara ningeh munyin keto I Kekua ilang sedukne lantas I Kekua ngomong “yehhh I Lutung apa ada luungne iraga kemu nanging engken carane kemu Tukad Cengcenge to joh buin linggah, lantas I Lutung measaut “beh belog gati cai kekua kone cari bise ngelai cai ngandong awake ngaliwat tukade ento, neked ditu awake ane menek ke punya biune, cai ngantosin di beten, yen maan biu telung bulih cai abesik awke dadua.

Gelisang satua majalan kone suba ajaka dadua I Lutung magandong ditundunne I Kakua sambilanga kejengat-kejengit kaliwat demen I Kakua becat gati langianne ane ngenang enggal neked. Neked dipondoke ento I Lutung menek ke punyan biune sambilanga tolah-tolih ningalin ada Kaki Prondong apa tusing. Lantas I Lutung nyemak biu dadua peluta lantas amaha I Kekua banga kulitne dogen lantas I Kekua ngomong “ehhhh lutung adi kulit biu gen banga awake” I Lutung kaliwat demen ngamah biu tusing inget teken baya. Makelo-kelo keto I Kakua gedeg sawireh I Lutung tusing inget teken janji. Kaliwat demen I Lutung ngamah biu tusing tawanga I Kaki Prondong suba ngintip iya uli tuni. I Kakua mengkeb dibeten punyan biune apa tusing tawanga teken I Kaki Prondong, I Kaki Prondong ngomong “ehhhh ene toohh Lutung ane maling biyune pantes tusing ada biune. Jani lakar tumbak ya. I Kaki Prondong majalan adeng-adeng apang tusing tawanga ajak I Lutung lantas I Kaki Prondong ngatumbak I Lutung kena beneng lambunge “aduh aduh sakit gati basang awake” lantas I Lutung mati bangke. I Lutung abana ka pondokne I Kaki Prondong. Keto suba upah anake ane demen mamaling tur nguluk nguluk timpal.