Tel…. tel….. tel…...
Kenten cingak titiang
Toyane ngetel maring ledeng
Nenten wenten lingu
Telas makutang toyane
Taru ring alase telas kenteb
Tuh tandus jagat pertiwine
Danu miwah tukade akeh cemer
Toya ening dados puek lidek
Ngawinang byuta gumine mangkin
Ihhhh para jana kabeh
Jalan nyiksik bulu mulat sarira
Ajiang toyane maring jagat
Sane pinaka teduh urip manusane
Kawangsuh antuk toya ening
Ngiring lestariang tetaruane
Tandurin malih bukite sane tandus
Yening sampun kadi punika
Sinah ajeg kawentenan toyane
Toya ening pinaka gitaning kauripan
Olih: I Wayan Adi Upadana
Tidak ada komentar:
Posting Komentar