SEGARA
Olih : Made Murtika
Ring segara
Ombaknyané bencah ngambekang awak
Lancut magulung-gulung saling tempung
Suarannyané nyandet: gdeblur…..gdeblur…..
Nanging stata sida nyanggra toyan tukad loloan
Yadiastun kaanyudin lulu nyanyad
Lulu leteh jagat
Tanpa laad
Nanging segara tan naén rumasa leteh
Ring segara
Yukti srana ngalebur mala
Pinaka angga campuhan sekancan tukad
Gumanti astiti bakti nempur ngalebur
Mala leteh terehing bhuwana agung-alit
Ngawi winih nirmala sakala niskala
Ring segara
Tan wénten lémpas kalebur
…. Yukti jati
Stata !
Tidak ada komentar:
Posting Komentar