Arjuna Wiwaha Ngungsi Indraloka

Arjuna Wiwaha Ngungsi Indraloka

            Kacrita sang arjuna sampun polihwara nugraha, ledang kayune tan sinipi, jagi matemu ring sametone sami. Wawu ida makinkin jagi mantuk, saget wenten rauh widyadara sareng kalih, maparab sang erawana miwah sang bajra karyama. Sang kalih kautus olih hyang indra, makta sewalapatra malingga tangan hyang indra, kawaca kalih sapatu. Daging sewalapatra punika, hyang indra makarsa kanti, pacang mademang niwatakawaka sane ngrusak suargan dening asapunika ida tan purun tulak, raris ida ngaturang bakti ring pucak gunung indrakilane. Sang arjuna tan lali ring genahe polih wara nugraha kalih kautaman. Usan muspa raris gelis lunga ka kendran, tangkil ring hyang indra. Kapanggihin ida malinggih, rikala mababaosan sareng bagawan wrehayati. Ring suargan iyur ortine, indik parauh sang arjuna. Para wanitane sami angajap tawang, misadia pacang matemu, makadi widyadarine anandang rimang, sang hyang indra ngawe pangindrajala, ngutus sang arjuna sareng dewi supraba lunga ka manimantaka, netesin genah kapatian niwata kawacane.