Karya Cerpen Narwati

 JAGAT BALINÈ

Jagatè sedeng tusing melah. Tiang negak ningalin guminè, yèning tingalin kari melah lan asri. Ombak lan matanai dugasè sanja anè ngetisin keneh tiangè, nanging malenan yèn tingalin di tongosè anè lènan. Bencana wènten dija-dija, gunung meletus, tanah embad, gentuh gedè, lan wènten Pandemi Covid 19 anè wènten uli tahun 2020 neked 2021. Driki di tanah tiangè, tanah Bali nè kaicènin olih Ida Sang Hyang Widhi. Tanah Bali nè kaliwat tis, kanggon ngalih ajengan tur kanggon ngambarang keneh urip tiangè di jagatè mangkin. Iraga kaicènin tanah Bali apang ngidaang nyaga kelestarianè anè kaliwat melah ngulanin kenehè.

Yèn tingalin tiang mangkin paripolah manusanè beneha ya guminè cara kenè. Solah manusanè nè satata ngusak gumi, punyan kayu kaabas ngawag, luu kaentungan ten ditongosnè, len biin luu plastik anè ideh-ideh tepukin. Yèning renungang, napi beneh kenè iraga males tekènin guminè anè satata maang kaasrian kèn iraga? Napi konè kèwehnè yèn mantak ngrunguang lan ngapikin makejang nè wènten di guminè. Yèn umpamiang luu sikat gigi nè iraga anggon minabang tiang kari makutang ngawag dija kadèn tongosnè. Luu plastik kewèh berek di guminè, nika ngranaang Gubernur Bali matesin masarakatè nganggon palstik. Yèning niki katrapang sinah luu plastik lakar medikang di guminè.

Punyan-punyan nè ngaènang tis rikala wènten angin nè ngasir-sir, ngaènang lega keneh tiangè, matanai nè tatkala ngesèng kauh kaliwat ngulangunin yèning tingalin dugasè sanja.

“Ngidaang ningalin matanai pas sanja dogèn keneh tiangè suba demen.” Kènten timpal tiangè ngrengkeng sambilanga masadah.

“Nggihhh mang. Beneh nika, saenun iraga idup patut tetep astitiang apang guminè asri lan lestari.” Kènten tiang nimpalin munyin timpal tiangè I Komang, sambilang tiang ngidemang peningalan ningahang suaran ombakè.

“Ngidaang ya nggih, iraga tetep ngidaang ngasanin kasrian guminè kanti iraga tua?” Kènten wènten omongannè I Komang.

“Ngidaang lahhh, yèn iraga kari idup hahahahaha.” Jawaban tiangè sambilang kedek.

“Hhhmmmmmm, Paican Hyang Widhi mula melah lan luung.”

 Segara anè dadi tetujon paling utama rikala ka Bali mula asri. Gunungè melah tegeh-tegeh biin, nika ngaènng tiang demen gati mendaki. Pasihnè linggah luung pesan, makita bana tiang nyilem ningalin isin tengahnè. Carikè masih linggah ngiterin gumi Balinè, carik anè subur anggona pangupa jiwa baan masarakat Balinè. Pura-pura di Bali anè unik, rasa kumanyama masarakatnè kentel sajan, ngaènang demen tiang ngoyong di Bali. Yadiastun Bali malèn-lènan kawèntenanè, liu masih budayanè ngaènang tis keneh tiangè.

“Yukks ajak makejang melali ka Bali, apang nawang kèn-kèn luungnè kaasrian alam lan pemandangan Balinè.” Kènten munyin tiangè katuju ajak para jananè makejang apang prasida melali ka Bali.

Ngiring jaga lan letariang kawèntenan jagat Balinè mangkin. Balinè mangkin iraga anè ngelahang, patut jaga isin gumi Balinè. Pemerintah Bali apang tetep masih Sutindih nyaga kawèntenan alam Bali, ampunang arogan dadi pemimpin, ngadokang kuasa anè ten becik, napi biin ngusak kawèntanan gumi Balinè.

Pinunas tiang mangkin tekèn para jana Balinè, ngiring jaga lan lestariang jagat Balinè. Yèning ten iraga anè nyaga, sira kaorain biin. Yukk bareng-bareng ajak makejang masikian, tangiang Balin iraga apang tetep lestari alamnè. Saling asah asih asuh tekèning nyama brayanè. Yèn ampun cara kenè paripolah iraganè sinah Jagat Bali lakar ajeg lan lestari, tetep dadi tetujon Pariwisata no. 1.

  

Seraya, 8 Pebruari 2021

Olih: Ni Wayan Sri Narwati

SMA Negeri 3 Amlapura