LAPORAN
MANGGALA PRAWARTAKA KARYA
Sane dahat wangiang titiang Kepala SMPN 11 Denpasar
Para Wakil Kepala Sekolah miwah Para Dewan Juri sane wangiang titiang
Pamilet lomba miwah para sisia sareng sami sane tresnasihin titiang
Om Swastyastu
Bulan Bahasa Bali Warsa 2020 kalaksanayang wantah nguratiang Pergub Bali Nomor 80 Tahun 2018 indik Nglaksanayang Bulan Bahasa Bali. Tetujon kawentenang parikrama puniki wantah iraga dados anak Bali mangda sutindih ring Basa Bali tur sareng nglestariang Basa Bali puniki. Antuk punika raris, titiang saking OSIS SMPN 11 Denpasar makarya acara anggen nglaksanayang Bulan Bahasa Bali puniki, antuk ngelarang lomba-lomba sane mapaiketan sareng Bahasa Bali, sakadi: Lomba Puisi Bali, Mapupuh, Nyurat Lontar, Masatua Banyol, Yel-Yel Mabasa Bali, Miwah Video Edukasi Mabasa Bali. Lomba puniki kamiletin antuk para sisia sawidangan SMPN 11 Denpasar.
Suksma aturang titiang majeng ring Bapak Kepala Sekolah santukan sampun nyumpuin kawentenang parikrama puniki, suksma taler aturang titiang ring Wakil Kepala Sekolah Widang Kesiswaan miwah Pembina OSIS sami, sampun prasida nuntun titiang rikala nglaksanayang parikrama puniki, miwah suksmaning manah katur majeng ring Bapak Ibu Dewan Guru sane sampun ledang nyarengin dados juri lomba-lomba sane kawentenang. Mungguing dana ring parikrama puniki sami kabiayain antuk Dana BOS Sekolah.
Inggih wantah sekadi punika prasida atur piuningang titiang, minab malih jebos yening wenten pamargin parikrama puniki sakadi panyanggra boga samatra miwah sane tiosan nenten manut ring arsa bapak ibu sareng sami titiang nglungsur geng rena sinampura. Puputang titiang antuk parama santih.
Om Santih Santih Santih Om
Denpasar, Pebruari 2020
Manggala Prawartaka
Farisha Putri Yulianto
Tidak ada komentar:
Posting Komentar